Disa faqe internetit në Iran kanë njoftuar se gjeneral-brigade Mohammed Ali Mohammad Husseini, komandant i batalionit komando në Forcën Speciale të Gardës Revolucionare të Iranit, i cili ishte duke luftuar përkrah regjimit të Asadit në Siri, është vrarë të shtunën.
Sipas faqes Tanweer, komandanti i Gardës Revolucionare në qytetin e Kazerun në provincën Fars gjithashtu lëshoi një deklaratë në të cilën njofton për vdekjen e Husseinit. Deklarata megjithatë nuk e përmend se kur dhe ku është vrarë ai.
Mediat iraniane kanë njoftuar se Husseini, komandanti i batalionit Sejad, luajti një rol të madh në betejat e Nubl dhe el-Zahraa në Halep, në veri të Sirisë.
Husseini ka marrë pjesë në operacionet e Gardës Revolucionare kundër grupeve kurde të opozitës në veriperëndim të Iranit dhe ai ka marrë pjesë edhe në luftën e irako-iraniane.
Raportet mbi vdekjen e Husseinit vijnë fill pas vdekjes dhe të gjeneral-major Gholam Reza Smaiie, gjatë një misioni këshillëdhënës në mbështetetje të forcave siriane besnike të Bashar al-Asadit në Halep të mërkurën.
Irani ka humbur dhjetëra gjeneralë, oficerë dhe anëtarë të forcave të saj elitë gjatë muajve të fundit, në përpjekje për të forcuar rrethimin në Halep dhe për të dëbuar grupet opozitare prej qytetit.
Sipas disa statistikave, shtatë zyrtarë nga njësitë e Forcave Speciale të njohur si Beretat e Gjelbërta, të cilat janë dërguar në Siri në muajin prill, janë vrarë deri më tani. Ndërkohë më shumë se 450 anëtarë të Gardës Revolucionare janë vrarë që nga rinisja e betejave në Halep dhe rrethinat e saj, në shtator të vitit të kaluar. /tesheshi.com/
