Një ushtar izraelit që vrau një palestinez të plagosur që kishte mbetur i shtrirë në tokë duke mos paraqitur asnjë kërcënim të dukshëm u dënua për vrasje të mërkurën, pas një gjykimi i cili ka ndarë thellësisht opinionin në vend.
Ushtari Elor Azaria, është në gjykim që nga maji në një gjykatë ushtarake, me politikanë të krahut të djathtë të cilët e kanë mbrojtur atë, ndërkohë që drejtues të lartë të ushtrisë kanë dënuar ashpër veprimet e tij. Dënimi pritet të shpallet në një datë të mëvonshme. Ai pritet të përballet me një dënim prej 20 vjet burg.
Në emër të kolegjit prej tre gjyqtarësh, gjykatësja, kolonel Maya Heller tha se nuk kishte asnjë arsye për Azaria-n që të hapte zjarr ndaj viktimës, pasi palestinezi nuk po paraqiste asnjë kërcënim. \
I veshur me një uniformë ushtarake me ngjyrë të gjelbër, ai kishte hyrë në sallën e gjyqit duke qeshur, me anëtarët e familjes dhe mbështetës të cilët e kanë duartrokitur atë. Por ai më vonë u duk i tronditur pas fjalës së gjyqtarit. Madje nëna e tij bërtiti: “duhet t’ju vie turp”, pas leximit të vendimit.
Azaria ishte 19 vjeç në kohën kur kreu vrasjen, në mars të vitit 2016 në qytetin e Hebronit, në Bregun e pushtuar Perëndimor. /tesheshi.com/
https://youtu.be/X3xMwArkAIw
