Burgim të përjetshëm ka kërkuar prokuroria për shtetasin David Qose, i akuzuar për vrasjen e efektivit të FNSH-së, ngjarje e ndodhur në Torovicë të Lezhës, rreth 1 vit më parë.
Krimi ndodhi teksa FNSH përpiqej të kapte autorin e krimit, i cili qëllonte me armë zjarri nga banesa e tij.
30-vjeçari më herët ka pranuar se ka qëlluar në drejtim të policisë, por ka thënë se kishin qëlluar të tjerë nga mali në drejtim të shtëpisë së tij.
Qose ka deklaruar në gjyq se nuk kishte qëllim të vriste policing. “Doja që efektivët të mos hynin në banesë. Qëllova sepse në banesën time u gjuajt në fillim nga banesa e fqinjit nga mali”, ka dëshmuar ai.
Mbi 30-vjeçarin rëndojnë tre akuza: “vrasja e policit”, “vrasje e policit në tentativë “dhe “armëmbajtje pa leje”.
Avokatët e Qoses jane shprehur me heret se gjarja mund të konsiderohet si ‘vrasje nga pakujdesia’.
Ngjarja e 2 shtatorit 2016
Një efektiv i repartit të Forcave të Ndërhyrjes së Shpejtë është vrarë gjatë një operacioni mesditën e së premtes (2 shtator 2016) në Torovicë të Lezhës.
Ardian Kodra, efektivi 50 vjeçar, u qëllua teksa kishte shkuar për të neutralizuar David Qosen, i cili prej disa orësh terrorizonte me armë banorët e fshatit.
Sapo furgoni i FNSH-së ka mbërritur pranë banesës së Qosjes në fshatin Torovicë, është përballur me breshërinë e plumbave të 30-vjeçarit. Për pasojë një prej plumbave ka kapur në pjesën e kraharorit efektivin Ardian Kodra, i cili humbi jetën pas mbërritjes në spitalin e Lezhës.
Më pas autori u mbyll në banesën e tij, një shtëpi dy katëshe në fshatin Torovicë dhe prej aty qëllonte me armë në drejtim të policisë, sa herë kjo e fundit i bënte thirrje për dorëzim.
Pas pesë orësh në operacion, forcat Renea arritën të kapnin të gjallë autorin, i cili në momentin e arrestimit ka tentuar të vetëvritet. Ndërhyrja në banesën e autorit u bë vetëm pasi atij iu mbaruan municione.
Policia përdori autoblind dhe gazlotësjellës për të nxjerrë autorin prej katit të parë të banesës ku ai fshihej. Gjatë përplasjes së policisë me vrasësin e efektivit banesa u shkrumbua plotëishit. /tesheshi.com/
