Më në fund, pas 17 viteve të vrasjeve dhe masakrimeve të shqiptarëve që janë bërë në Vushtrri, ish-punëtori i Gjykatës Komunale të këtij qyteti dhe njëherësh pjesëtari i Policisë së Serbisë, malazezi Zoran Vukotiç, 45 vjeç, është arrestuar të enjtën nga ana e autoriteteve të shtetit të Malit të Zi, pas kërkesës që është bërë nga EULEX-i dhe UNMIK-u.
Burime të portalit tesheshi.com nga misione ndërkombëtare në Kosovë kanë theksuar se këto ditë pritet që për vrasjen e shqiptarëve gjatë vitit 1998-99 në Vushtrri të arrestohen edhe 8 persona të tjerë.
Burimi nuk ka dashur që të specifikojë se për cilët persona bëhet fjalë, por ka shtuar se ata janë përgjegjës për vrasjen, masakrimin dhe dëbimin nga shtëpitë e tyre të qindra mijra shqiptarëve.
Sipas njoftimeve që vinë nga Mali i Zi, Zoran Vukotiç është arrestuar në qytetin e Nikshiqit.
Më konketisht, Vukotiç akuzohet se në vitin 1999 në Vushtrri, ka vrarë Hamdi, Avdullah e Fahredin Fazliun, si dhe Enver Rrustollin.
Sabit Kadriu, aktivist i te drejtave te njeriut ka konfirmuar se ndaj Vukotiçit në UNMIK dhe EULEX ka edhe akuza tjera, e sidomos për vrasjen e vëllezërve Feka në Maxhunaj të Vushtrrisë në prill të 1999.
Zoran Vukotiç, përveç vrasjeve që dyshohet se ka kryer, njihet edhe prej rreth 5-6 mijë shqiptarë të burgosur në fund të prillit dhe fillim të majit të vitit 1999 në burgun e Smrekonicës.
Vukotiç, sipas dëshmitarëve në këtë burg, ka torturuar shqiptarë e burgosur duke i ka rrahur ata me shkopinj bejsbolli deri në alivanosje dhe atë nën muzikën çetnike.
Pas kompletimit të dokumentacionit nga ana e Kosovës, pritet edhe ekstradimi i Zoran Vukotiçit i cili do të përballet me drejtësinë. M.Mustafa – /tesheshi.com/
