Pas një periudhe qetësie sa i përket krimit të rrugës, e cila përkoi me ardhjen në krye të Rendit të Gjeneral Sandër Lleshajt, një vrasje tronditëse ka ndodhur në Laprakë mbrëmjen e kësaj të mërkure.
Një çift të rinjsh u qëlluan sapo po futeshin në makinë, ku vajza, Briselda Gjikola 17 vjeçe, ndërroi jetë nga plubat, ndërsa djali Erjon Benga 23 vjeç, ka përfunduar në gjendje të rëndë në spital. Atentatorët, sipas dëshmitarëve, kanë qenë dy. Orët në vijim pritet të zbardhet e gjithë ngjarja, ndërkohë që policia është në kërkim të identitetit të autorëve, arsyeve të atentatit dhe kapjes së tyre.
Ky është testi i parë për policinë në drejtimin e Lleshajt, nëse do tregohet në lartësinë e duhur për reaguar fort e shpejt. /tesheshi.com/
