Një baba dhe një djalë janë akuzuar pasi u bënë një filmim viral i vrasjes së Ahmaud Arbery në shtetin amerikan të Xhorxhisë.
Dy persona të bardhë – babë e bir – janë arrestuar dhe akuzuar për vrasjen e afro-amerikanit Ahmaud Arbery në shtetin e Xhorxhias.
Aktakuzat u ngritën disa ditë pasi në internet u pa një video e bërë në një celular, e cila tregon vrasjen e 25-vjeçari pranë qytetit portual të Brunswick.
Videoja është bërë virale dhe ka shkaktuar zemërim në publik në të gjithë Shtetet e Bashkuara. Njerëzit afër Arbery festuan lajmin e arrestimit të autorëve, por shprehen zhgënjimin që u desh kaq shumë kohë.
“Kjo duhej të ndodhte një ditë pas vrasjes,” tha Akeem Baker, një nga miqtë e ngushtë të Arbery-t në Brunswck. “Nuk kishte gjasë që të ndodhte nëse nuk do të kishte dalë videoja.”
Gregory McMichael, 64 vjeç, një ish-oficer i zbatimit të ligjit dhe djali i tij 34-vjeçar Travis, u arrestua të enjten nga anëtarët e Byrosë së Hetimit të Xhorxhias.
McMichael më parë i kishte thënë policisë se ai dhe djali i tij po ndiqnin Arbery-n sepse dyshuan se ai ishte një hajdut. Nëna e Arbery-t, Wanda Cooper Jones, tha që beson se djali i saj, një ish-futbollist amerikan, thjesht po vrapone në një ditë të diele, kur ata filluan ta ndiqnin dhe më pas e vranë.
Benjamin Crump, avokati për babanë e të riut të vrarë, Marcus Arbery, tha që ishte “e padëgjuar” sa që u desh kaq shumë kohë për t’u arrestuar.
“Ky është hapi i parë drejt drejtësisë,” tha Crump në një deklaratë. /tesheshi.com/
