Është zbardhur pothuajse tërësisht gjithë çfarë ndodhi mbrëmjen e së enjtes në një lokal në Bllok, ku mbeti i vrarë një person dhe u plagosën dy të tjerë.
Këngëtarja Elvana Gjata është ajo që ka nxehur gjakrat mes 6 meshkujve, ku njëri prej tyre ka qenë partneri, Ervin Mata, e tjetri badigardi i saj Marvjol Bilo, që është dhe njeriu të cilit i atribuohet vrasja. Ky i fundit është njëherësh dhe kontigjent i forcave komando. Të dy këta, së bashku me shtetasin Fabian Allushi, ndodhen në kërkim. Kjo treshe është ballafaquar, fillimisht me fjalë e më pas me plumba, me treshen tjetër: Eljon Hato, Ervis Martinaj dhe Fabiol Gaxha. Ky i fundit, badigard i Martinajt, gjeti vdekjen në sherrin me armë, ndërkohë që dy të tjerët mbetën të plagosur, ku spikat emri i Ervis Martinajt, njeriut që sipas gazetarit Flamur Vezaj, ka ushqyer portalet me reklamën e kompanisë së tij Bet111.
Të sipërpërmendurit që përgjakën Bllokun, janë fjalosur fillimisht pak net më parë, e mbrëmë janë takuar sërish për sqarime. Shkak ka qenë ajo, Elvana, siduket e ngacmuar, që më pas ka provokuar reagimin e miqve të saj, partnerit dhe badigardit.
Veç kërkimit për treshen që ka hapur zjarr, tashmë po komentohet dhe fati i mëtejshëm i Ervis Martinajt, për momentin në spital i ruajtur nga policë. Megjithëse një personazh i botës së krimit, ai ka mundur t’i shpëtojë drejtësisë. /tesheshi.com/
