Mustafa Licit, anëtar të Këshillit Bashkiak në Shkodër, tre javë më parë iu vra vëllai në një atentat, Fatbardh Licit. Ç’prej atëherë nuk ka asnjë person të arrestuar si autor. Dhe, pas vrasjes së Arjan Ferracakut, ai vendosi të flasë duke akuzuar shtetin se po bashkëpunon me bandat.
Ai thotë se nga familja e tij janë marrë dy fëmijë në kuadër të hetimeve, porse gjykon se më shumë se në kërkim të vrasësve, policia e Shkodrës po luan tjetër lojë, atë për të fshehur krimin e vërtetë dhe terrorizuar tjetërkënd
“Shtet sillet me furgon rreth shtëpisë time. Çdo incident që kryhet në Shkodër, çdo fishekt që qitet në Shkodër menjëherë rrethohet familja dhe marrin 3-4 vetë. Do ketë drejtësi më lart, edhe në Strasburg do të drejtohemi”, thotë Mustafa Lici.
Sipas të gjitha të dhënave të deritanishme, Arjan Ferracaku është qëlluar gabimisht në vend të djalit të hallës, pjesë e një prej grupeve rivale në Shkodër, pikërisht ngase kanë ngjarë shumë me njëri-tjetrin. Sipas asaj çfarë përfolet në Shkodër, janë Bajrat me Licajt ato që po përgjakin qytetin verior. /tesheshi.com/
