Pas vrasjes së oficerit Ardian Kodra në Torovicë të Lezhës, kanë mbërritur trupat speciale eë FNSH-së, të cilat kanë rrethuar autorin e sulmit, David Qosjen, me thirrjen për t’u dorëzuar.
Operacioni vazhdoi për disa orë, deri në kapjen e autorit me “kartelë”, publike por jo zyrtare, por ajo që është ende e paqartë është se çfarë pune kishin trupat speciale të FNSH-së së Shkodrës në Torovicë.
A ndodheshin aty për ndonjë operacion antikanabis, pasi Torovica është një zonë e fshehur tashmë, apo po kalonin rastësisht?!
Sipas njoftimeve të disa mediave thuhet se FNSH e Shkodrës është thirrur në ndihmë nga policia e Lezhës.
Sipas ligjit të Forcave Speciale, urdhërin për lëvizjen e tyre e firmos vetëm Drejtori i Forcave Speciale të Repulikës, i cili vepron pas kërkesave zyrtare të policisë lokale dhe kur situata është mjaft e rëndë.
Torovica është zonë tashmë e mënjanuar pas ndërtimit të rrugës aktuale Lezhë-Shkodër.
Sipas njoftimeve të para thuhet se FNSH e Shkodrës po kryente një krehje të zonës për të kalur dhe asgjësuar cannabis sativa.
Ndërkaq, i ndjeri Ardian Kodra ishte një nga oficerët me përvojë në trupat speciale. Ai kishte 25 vjet që shërbente si pjesëtar i FNSH-së së qarkut. Gjatë viteve të fundit, i ndjeri Kodra shërbente edhe si shofer i komnandantit të FNSH-së.
Sipas të dhënave që vijnë nga terreni, mësohet se Ardian Kodra ndodhej përpara furgonit kur i ka ardhur plumbi i dalë nga automatiku i David Qoses.
Kodra ishte me origjinë nga Malësia e Madhe, por prej vitesh jetonte në Shkodër në lagjen Rus të qytetit.
Vrasja e fektivit të FNSH-së është një akt i rëndë që kërkon përgjegjësinë e atyre që kanë nxjerrë në terren trupat pa plan dhe pa zbatuar në mënyrë të rreptë rregulloren dhe protokollin e veprimit.
Këta dokumente janë hartuar për të siguruar jetën e efektivave. Edhe herë të tjerë janë marrë jetë të forcave speciale nga persona jo kompetentë, por që ka ndodhur si rezultat i lëvizjes pa plan dhe rregullore.
Jo më larg se një vit më parë, një tjetër efektiv i forcave special të Shkodrës u vra nga një person me të meta mendore në Anë të Malit, por askush nuk mbajti përgjegjësi. /tesheshi.com/
