Policia ka arritur që të kapë autorin e një vrasjeje të ndodhur mbrëmjen e së martës në Tiranë, në afërsi të Kinostudios, ku nga plumbat në errësirë mbeti i vdekur shtetasi Mario Majollari.
Kastriot Gjuzi 40 vjeç është vënë në pranga si autori u dyshuar i krimit. Shkak mendohet të jetë hakmarrja, pasi babai i viktimës vuan dënimin e përjetshëm për dy vrasje në vitin 2000, njëri prej tyre vëllai i autorit.
Dhe kjo i ka irrituar akoma dhe më shumë fqinjët e të ndjerin Majollari, pasi e vlerësonin atë për një djalë shembullor që nuk kishte pse e pësonte nga i ati.
“Ne jemi trishtuar të gjithë. Eshtë i padrejtë ta paguajë mosha e re, është fatale”, tha njëri prej tyre. /tesheshi.com/
