Gjykata e Tiranës ka vendosur “arrest me burg” për 4 të arrestuarit, e akuzuar për vrasjen e Marvi Mihalit, ngjarje e ndodhur 3 ditë më parë në afërsi të Stadiumit “Selman Stërmasi”.
Prokuroria ka kërkuar masën e sigurisë “Arrest me Burg” për të akuzuarit, të cilët nuk kanë pranuar të flasin në seancën gjyqësore. Madje sikundër raportohet 4 të arrestuarit nuk i janë përgjigjur as pyetjeve para trupit gjykues.
Gjykata vendosi të lërë në burg autorin e dyshuar dhe 3 bashkëpunëtoret e tij në krimin e rëndë që i mori jeten 22-vjeçarit.
Sipas dsshmive të dhëna pas arrestimit, 4 të prangosurit janë shprehur se nuk kanë dashur t´a vrasin 22-vjeçarin.
Sipas hetimeve, viktima dhe Dejvi Bitraj janë konfliktuar në telefon për shkak se celulari që Mihali kishte blerë ishte me probleme.
Ndërkohë, Bitraj pretendon se është ofenduar gjatë telefonatës. Ata kanë lënë të takohen për t’u sqaruar në vendin ku ndodhi vrasja, por sipas të arrestuarve, edhe aty Marvi Mihali i ka ofenduar.
Mes tyre fillimisht ka nisur një përleshje fizike, ndërsa 24-vjeçari Eugen Bitraj e ka goditur me thikë duke e lene te vdekur. /tesheshi.com/
