Andrei Karlov u lind në Moskë. 62-vjeçari ishte një diplomat karriere dhe kishte shërbyer si ambasador i Rusisë në Turqi që nga korriku i vitit 2013.
Karlov e kishte nisur karrierën e tij në vitin 1976 në ministrinë ruse të Punëve të Jashtme. Në vitet 1979-1984, dhe më pas sërish gjatë viteve 1986-1997, Karlov ishte caktuar ambassador i vendit të tij në Korenë e Jugut.
Më pas ai ishte kthyer në Moskë, ku shërbeu si zëvendës-drejtor i Përgjithshëm për çështjet konsullore deri në vitin 2013, përpara se të caktohej në Ankara.
Karlov, që ka lënë pas gruan dhe një djalë, studjoi në Institutin e Marrëdhënieve Ndërkombëtare në Moskë, dhe u diplomua në vitin 1976.
Zëdhënësja e ministrisë së Jashtme ruse, Maria Zakharova konfirmoi vrasjen e ambasadorit duke thënë se Rusia e konsideron një akt terrorist.
Ajo tha: “Si rezultat i një sulmi, ambasadori i Federatës Ruse në Turqi, Andrei Gennadyevich Karlov, u plagos dhe ndërroi jetë. Ne e konsiderojmë këtë si një akt terrorist”.
Qeveritë e shumë shteteve kanë reaguar menjëherë për lajmin duke e dënuar atë. “Nuk mund të ketë asnjë justifikim për sulmin mbi një diplomat apo ambasador. Shpresojmë që keqbërësit të nxirren para Drejtësisë”, tha një zëdhënëse e OKB-së.
Një zëdhënës i Departamentit amerikan Shtetit theksoi se SHBA dënojnë aktin e dhunës, pavarësisht burimit të tij. “Mendimet dhe lutjet tona janë me të dhe familjen e tij”. /tesheshi.com/
