Mediat serbe në raportimet e para për vrasjen e Oliver Ivanoviçit në Mitrovicën veriore theksojnë se sipas të dhënave paraprake, atentatori i tij është serb.
Ndërkohë në rrjetet sociale, përkrahësit e të ndjerit akuzojnë Aleksandër Vuçiç si politikanë që ka dashur eleminimin e ish-sekretarit për Kosovën në qeverinë serbe.
Vetë Vuçiç, ka thirrur në mbrëmje Këshillin e Sigurisë Kombëtare për të shqyrtuar materialet e shërbimeve sekrete.
Ndëraq, anëtari i delegacionit serb në bisedimet e Brukselit me Prishtinën, Marko Gjuriç, ka ndërprerë mbledhjen dhe është rithyer me urgjencë në Beograd.
“Ky është një akt kriminal dhe terrorist që duhet të dënohet”, the Marko Gjuriç, duke krijuar një mundësi që Beogradi ta trajtojë jo si një akt kriminal, por si një mundësi për shpërthimin e trazirave.
Ngjarja që ka ndodhur në një territor të Kosovës e që vetëm formalisht varet nga Prishtina, mund të shërbejë si alibi për të rikthyer edhe formalisht autoritetin e Beogradit në veriun e Kosovës.
Nëse ndodh kjo, nuk është gjë tjetër veçse paradhoma e ndarjes reale të Kosovës. /tesheshi.com/
