Dy javë pas vrasjes së Oliver Ivanoviçit, Beogradi zyrtar po ankohet se Prishtina ende nuk i ka dërguar asnjë informatë lidhur me rastin në fjalë.
“Do të dëshiroja që institucionet shqiptare të ofrojnë, të paktën, një përgjigje relevante dhe t’i qasen bashkëpunimit serioz”, citon FoNet, të ketë thënë drejtori i Zyrës për Kosovën në qeverinë e Serbisë Marko Gjuriç.
Ai ka vlerësuar se institucionet ndërkombëtare do të duhej të bënin presion në Prishtinën në mënyrë që ajo të bashkëpunojë me Beogradin për këtë çështje.
Kujtojmë se politikanë serbë që janë zë kundër presidentit serb, Aleksandër Vuçiç kanë drejtuar gishtin se vrasjen e Ivanoviçit e ka kryer grupi i Milan Radojçiç, ky i fundit cilësohet si shefi i mafisë së Veriut. /tesheshi.com/
