Situata në Jemen, vendin e shkatërruar nga lufta, mori një kthesë dramatike të hënën me vrasjen e ish-presidentit Ali Abdullah Saleh. Më poshtë mund të gjeni katër gjëra që ju mund të mos i dini për vendin dhe politikat e saj.
Prej nga vjen emri “Houthi”?
Huthinjtë quhen ashtu, për shkak se ndjekin një udhëheqës fisnor në veri të quajtur Abdul Malik al-Houthi. Familja e tij filloi të kritikojë qeverinë e Jemenit në vitet 1990 për aleancës së tij me Arabinë Saudite dhe Shtetet e Bashkuara, duke kërkuar një rol në zhvillimet në vend.
Çfarë duan huthinjtë?
Themeluesi i rebelimi Houthi, Badr-Eddin Houthi, u vra nga forcat e Saleh në vitin 2004. Saleh ishte presidenti i Jemenit në atë kohë. Huthinjtë bashkë me jemenët e tjerë morën pjesë në pranverën arabe të vitit 2011 duke kërkuar heqjen e Saleh.
Këshilli i Bashkëpunimit të Gjirit ndërmjetësoi për dhënien fund të kryengritjes popullore, duke e mbajtur Saleh si president. Ai u hoq më në fund në vitin 2012. Në vitin 2014, huthinjtë u rreshtuan me Saleh dhe arritën në kryeqytetin, Sanaa. Ata kërkuan një rol më të madh në qeveri dhe ndikim në një Kushtetutë të re. Ata kundërshtuan një plan për të ndarë vendin në gjashtë rajone federale.
Çfarë është Zaidizmi?
Zaidizmi, të cilit i përmbahen huthinjtë, është një sekt i Islamit i ndjekur nga rreth 35 për qind të jemenasve. Ky është një sekt Shia afër Islamit suni, por jo i njëjtë me formën e Shiizmit të Iranit. Jo të gjithë pjestarët e Zaidizmit mbështesin rebelimin e houthinjve. Lufta e Jemenit nuk është një luftë fetare, megjithëse të gjitha palët pretendojnë se Perëndia është në anën e tyre. Për disa dekada në historinë para-Islame, Jemeni ishte pjesë e Perandorisë Perse.
Si duket Jemeni tani?
Jemeni është vendi më i varfër në botë arabe dhe 27 milion banorët e saj kanë jetëgjatësinë më të ulët në rajon. I shkatërruar nga lufta, Jemeni është vatra e krizës më të madhe humanitare në botë, sipas Kombeve të Bashkuara.
Konflikti dhe efekti i saj ekonomik po shkaktojnë emergjencën më të madhe të të mungesës ushqimore në botë: më shumë se 17 milionë njerëz në Jemen aktualisht nuk kanë ushqim të mjaftueshëm, prej të cilëve 6.8 milion nuk kanë ushqim të mjaftueshëm dhe kanë nevojë për ndihmë të menjëhershme.
Përgatiti Jeton Zenuni – /tesheshi.com/
