Ali Abdullah Saleh u lind më 21 mars 1942, në fshatin Beit al-Ahmar në rrethin Sanhan të Sanaa, në një familje të varfër.
Ai punoi si bari dhe kreu shkollimin fillor në shkollën kur’anore të fshatit. Më pas, ai u largua në vitin 1958 dhe iu bashkua ushtrisë në moshën 16-vjeçare.
Si fëmijë ai vuajti nga varfëria, pasi prindërit e tij u divorcuan kur ishte shumë i ri.
Saleh qeverisi me Jemenin për 33 vjet, dhe për shumë breza ai është i vetmi udhëheqës i cili njihet si njeriu në krye të Jemenit.
Ai bashkoi Jemenin pasi ishte ndarë në dy shtete, dhe rivendosi stabilitetin pasi vendi përjetoi puçe ushtarake të njëpasnjëshme, si dhe përpjekjet e njëpasnjëshme për vrasje të presidentëve të Jemenit në të cilat humbën jetën 3 sosh nga 5 të tillë, të cilët sunduan Jemenin pas përmbysjes së sundimit të Imamatit.
Në tetor të vitit 1979, një grup oficerësh Naseritë të mbështetur nga Libia rrëzuan Ali Abdullah Saleh, por grusht-shteti dështoi. Pas kësaj ngjarjeje, Saleh emëroi anëtarët e familjes dhe të afërmit në administratën e ushtrisë dhe institucionet e sigurisë, prandaj vëllezërve të tij nga ana e nënës iu dhanë pozicionet më të shquara.
Më 3 qershor 2011, Saleh ishte shënjestër e një përpjekjeje për atentat në Xhaminë e Shtëpisë së Presidencës, ku u plagos rëndë dhe pësoi djegie. Ai u transferua në Arabinë Saudite për t’u trajtuar duke iu nënshtruar disa operacioneve dhe kompetencat e tij u transferuan te zëvendësi i tij, Abed Rabbo Mansour Hadi.
Parlamenti i Jemenit i dha imunitet të plotë nga ndjekja penale për çfarëdo krimi “politik” që mund të kishte kryer.
Pavarësisht largimit të tij nga Presidenca, raportet pohojnë se ai ishte përfshirë në kapjen e papritur të kryeqytetit Sanaa nga grupi Houthi dhe më pas të qyteteve të mëdha të Jemenit pa rezistencë nga ushtria dhe autoritetet në shtator të vitit 2014.
Sot ai u vra nga houthinjtë, me të cilët herë ishte në aleancë e herë jo, në emër të lëvizjeve politike.
Përgatiti: Jeton Zenuni – /tesheshi.com/
