Komenteve dhe reagimeve të shumta pas vrasjes së gjyqtares Fildes Hafizi nga ish-bashkëshorti i saj, ngjarje e ndodhur të enjten në Tiranë, i është bashkuar edhe mësuesja e fëmijëve të saj.
Mësuesja e ka portretizuar gjyqtaren si një nënë të kujdesshme, e grua të shkëlqyer që interesohej vazhdimisht për ecurinë e djalit dhe vajzës, raporton BW.
“Ajo ishte një grua dhe një nënë e shkëlqyer. Kujdesej vazhdimisht për fëmijët”, thotë mësuesja, e cila e tronditur nga krimi që ndodhi, nuk nguron të pranojë se të atin e fëmijëve nuk e ka parë kurrë në shkollë.
“Ish-bashkëshorti i Fildeses, babai i fëmijëve nuk është parë kurrë në shkollë, nuk e njoh”, tha ajo. /tesheshi.com/
