Kanë nisur reagimet e para në rrjete sociale në lidhje me ngjarjen e rëndë të ndodhur këtë mbrëmje, ku ambasadori rus në Turqi, Andrey Karlov u ekzekutua në ambientet e një galerie artesh në Ankara teksa po mbante një fjalim. Sipas disave sosh, kjo ngjarje është një tjetër përpjekje, si ajo e grushtit të shtetit të 15 korrikut, për ta destabilizuar me patjetër këtë vend.
Dallohet ndër ato ajo e këshilltares bashkiake të Tiranës, Albina Ferko-Nanajt, e cila e sheh ngjarjen nën këtë dritë, pra si një konsipracion anti-turk.
“Eshte e qarte! Ata qe ideuan, organizuan, zbatuan dhe mbeshteten grushtin e shtetit ne Turqi nuk duan te terhiqen pa i vene flaken ketij vendi, njesoj si Sirise dhe rajonit. E pikerisht atehere kur ky vend po i jep leksione humanizmi dhe demokracie gjithe njerezimit. Ata qe e kane zhytur boten ne kaos dhe po i marrin cdo dite frymen duke mos kursyer as jetet e pafajshme te njomezakeve, jane zullumqaret qe duan te vrasin shpresen. Nuk do t’ia dalin kurre te gjynjezojne shtetin fisnik qe dhuron shprese. Zoti eshte planifikuesi dhe mbrojtesi me i mire! Zot ruaje Turqine nga planet djallezore dhe mpiji mendjet qe i thurin ato”, shkruan këshilltarja bashkiake e Tiranës në një status në FB.
Siç dhe ëshët transmetuar me video, atentatori ka qenë një i ri rreth të tridhjetave, i cili pasi ka qëlluar në drejtim të ambasadorit, e ka konsideruar aktin e si si hakmarrje për Halepin.
Kjo ngjarje vjen në një kohë kur Turqia e Rusia sapo kishin lënë pas një krizë raportesh mes tyre dhe po restauronin një marrëdhënie të re dhe të përmisuar. /tesheshi.com/
