Vrasja e një gjermani dhe vajzës së tij adoleshente në një qytet të vogël paraguaian muajin e kaluar, ka të ngjarë të lidhej me vjedhjen e disa violinave të shtrenjta të Stradivariusit të famshëm, me vlerë miliona dollarë, njoftuan autoritetet të mërkurën.
Bernard Raymond von Bredow, 62 vjeç dhe vajza e tij Lorena Lydia, 14 vjeçe, u vranë në fund të tetorit në qytetin e Aregua, pranë kryeqytetit Asuncion. Në trupin e tij u panë shenja torture, tha policia.
Von Bredow ishte një koleksionist i instrumenteve muzikore dhe u transferua në Paraguaj në vitin 2018.
Prokurorja Sandra Ledesma tha se dyshonin se pas krimit qëndronin tre miqtë e von Bredow dhe se i kishin thirrur për t’i marrë në pyetje.
“Pak njerëz e dinin se ai mbante disa antika, të cilat shumë koleksionistë nga e gjithë bota do t’i dëshironin,” tha Ledesma në një intervistë me një radio lokale.
Ajo shtoi se dyshojnë që violinat janë instrumente të famshme të Stradivarit të shekullit të 18-të.
Autoritetet bastisën shtëpitë e tre miqve të van Bredow dhe thanë se gjetën armë dhe një hartë me vendndodhjen e dukshme të violinave dhe certifikata që konfirmojnë vërtetësinë e tyre.
Violina Stradivari mund të kushtojë lehtësisht më shumë se një milion dollar. Në vitin 2011 njëra u shit për 16 milionë dollarë. /tesheshi.com/
