Një shtetas 42 vjeç ka humbur jetën në rrethana ende të pazbardhura nga policia.
Burime zyrtare bëjnë me dije se rreth orës 03.30 të mëngjesit të sotshëm në Sallën Operative të Drejtorisë Vendore të Policisë Dibër ka ardhur një telefonatë nga urgjenca e Spitalit Rajonal se ka ardhur i vrarë me armë zjarri shtetasi Alban (Gëzim) Kaloshi, 42 vjeç, banues në fshatin Blliçe, Bashkia Dibër.
Grupi hetimor ka zbardhur se viktima është çuar në spital nga dy persona ende të pa identifikuar nga policia.
“Nga kqyrja paraprake e bërë nga eksperti mjeko ligjor rezulton që viktima të jetë goditur me një plumb në kraharor.
Janë ende të paqarta rrethanat e ngjarjes, nëse kemi të bejmë me vrasje apo ngjarje aksidentale.
Grupi hetimor po punon për zbardhjen e ngjarjes”, thuhet në njoftimin e policisë. /tesheshi.com/
