Një ngjarje e rëndë ka tronditur Italinë, vrasja e një emiganti në publik, ku më e rëndë akoma ishte se akti i rëndë u preferua të filmohet, pa u ndërhyrë nga ata që filmonin.
Alika Ogorchukëu, një 39 vjeçar, u vra në rrugë teksa shiste mallra për të cilat kishte lejen e duhur.
Ai u zhvendos në Itali nga Nigeria dhjetë vjet më parë dhe punoi si punëtor krahu. Një ditë ndodhi të goditej nga një automjet. Pas daljes nga spitali morri 35 mijë euro dëmshpërblim, pasi nuk kishte faj. Por mbeti dhe me paterica, pasi nuk mund të ecte më normal si më parë. Ai vendosi të shesë në rrugë, duke marrë lejen e duhur.
Në Itali, ai u takua me një grua emigrante gjithashtu nga Nigeria. Emri i saj është Charity Oriachi, 35 vjeçe. Shumë shpejt ata u martuan. Ata kanë një djalë, Emmanuelin 8 vjeç. Nëna punon si pastruese në San Severino ku ata jetojnë. Ai shkonte çdo ditë në Civitanova Marche, ku edhe vdiq.
Shitësit ambulantë mund të jenë shumë këmbëngulës, pasi po luftojnë për ekzistencën e tyre, ndaj shpesh nuk mjafton vetëm një “Jo, faleminderit” ndaj tyre në ofertën për të blerë nga ata. Kësisoj, duket se ai u përpoq të bindte një zonjë, e cila qëlloi të ishte partnerja e Filippo Claudia Ferlazzos, 32 vjeç, me dyqan aty pranë, i cili u pushtua nga zemërimi. Ai sulmoi Ogorchukwun, duke e vënë përposhtë me goditje, derisa i morri jetën. Gjithçka zgjati vetëm katër minuta.
#Italy | An Italian fascist murdered a disabled Nigerian man in Civitanova Marche and people were filming with their smartphones. No one called the police, nobody intervened. Shocking. pic.twitter.com/ZpLE48h3nZ
— Dimitris Rapidis (@rapidis) July 31, 2022
Si e dime këtë? E thjeshtë: njerëz u mblodhën dhe filmuan, të paktën tridhjetë prej tyre, duke gjykuar nga pamjet. Ata nuk u përfshinë në ndarjen e tyre, siç do qe normale në të tilla raste. Një vajzë 28 vjeçe që po filmonte, tha se ishte e frikësuar. Por kishte të tjerë më të fortë se ajo. Vetëm njëri bërtiti: “Lëreni, do ta vrisni!”. As të tjerët. Por ata e regjistruan dhe e dërguan në internet. Vrasja është, pra, një spektakël që ia vlen të regjistrohet, jo të parandalohet.
Vërtetë, kur mbaroi, ata u përpoqën të ringjallin viktimën, ndaj thirrën një ambulancë.
Vrasësi Ferlazzo u largua me qetësi, vetëm ku njëri nga sehirxhinjtë u kujtua ta ndiqte dhe të thërriste policinë. Kur ai u kap, Ferlazzo pohoi se Ogorchukwu ngacmoi të fejuarën e tij. Por gënjeu, pasi më vonë tha se kishte një çrregullim binar. Ai po trajtohej por nuk i ishte dhënë mjekimi. I ishte dhënë një tutor, i cili mesa duket nuk e ka shoqëruar në momentin fatal.
Shefi policor i San Severinos thotë se Ogorchukwu dhe familja e tij ishin njerëz paqësorë, pa asnjë teprim. E veja qan, lyp drejtësi, jo hakmarrje. Ajo pyet se si do të mbijetojë vetëm me fëmijën, si do t’i shpjegojë se babai nuk do të kthehet më në shtëpi. /tesheshi.com/
