Sirhan Sirhanit i është refuzuar sërish lirimi me kusht, 55 vjet pasi qëlloi kandidatin presidencial Robert F. Kennedy në Los Angeles.
Refuzimi i fundit i bordit të San Diegos erdhi pasi një bord prej dy personash e gjeti Sirhanin të përshtatshëm për lirim me kusht në vitin 2021, por ky vendim u anulua nga guvernatori i Kalifornisë, Gavin Newsom.
Në një shkrim të Los Angeles Times të janarit 2022, Newsom shkroi se Sirhan, i cili vrau Kenedy-n dhe plagosi pesë të tjerë në Hotelin Ambassador në Los Angeles më 5 qershor 1968, ende përbën një kërcënim për publikun. Sirhan mbetet në burgun Richard J. Donovan në San Diego.
Avokatja e Sirhan, Angela Berry, tha të mërkurën se bordi i lirimit me kusht ishte ndikuar nga kundërshtimi i fortë i Newsom për lirimin e 78-vjeçarit Sirhan.
Vendimi “sugjeron që ata iu nënshtruan tekave politike të guvernatorit,” tha Berry në një intervistë me The Times.
“Nuk shkoi siç ishte planifikuar,” vuri në dukje Berry.
Në seancën e së mërkurës, disa njerëz folën kundër lirimit të Sirhanit, duke përfshirë anëtarët e familjes Kennedy dhe avokatin e familjes, tha Berry.
“Paul Schrade nuk ishte i pranishëm këtë vit. Ai ishte viktima e fundit e gjallë që ishte në favor të lirimit me kusht,” vuri në dukje avokati i Sirhan.
Schrade, i cili vdiq në nëntor, ka mbrojtur vazhdimisht lirimin e Sirhan. Ai besonte se disa sulmues ishin të përfshirë në të shtënat. Motra e Schrade, Louise “Weezie” Stone Duff, foli të mërkurën në mbështetje të lirimit të Sirhan, tha Berry.
Ajo shton se nuk është e sigurt se çfarë hapash të ardhshëm do të ndërmarrë. /tesheshi.com/
