Në Shqipëri, Bullgari dhe Rumani, policia po kërkon tre grabitësit që hynë në shtëpinë në Glyka Nera në Athinë një muaj më parë dhe vranë Caroline 20-vjeçare.
Policia greke ka kontaktuar ambasadat e vendeve specifike, në mënyrë që të lehtësojë procedurat, të anashkalojë burokracinë dhe të kontrollojë menjëherë të dyshuarit.
Këto kontakte përfshihen në raundin e dytë të hetimeve të Sigurisë së Atikës pasi piloti 32-vjeçar që ia vranë gruan mizorisht, nuk arriti të identifikojë ndonjë nga dhjetëra të dyshuar që i janë treguar nga policia dhe kështu fusha e hetimeve shtrihet për persona të veçantë jashtë Greqisë.
Sipas zhvillimeve të fundit, analistët e vrasjeve dyshojnë se autorët e kanë lënë vendin për të plaçkitur në pjesë të tjera të Ballkanit. Shqipëria, Bullgaria dhe Rumania konsiderohen si tre vendet e mundshme për këtë dhe ka filluar një proces i shpejtë për identifikimin e të dyshuarve.
Një grup specialistësh i EL.AS tashmë u takua me ambasadoren shqiptare në Greqi në mënyrë që të krijonte një mundësi informacioni dhe identifikimi të menjëhershëm dhe për të mos humbur kohë të vlefshme.
E njëjta gjë pritet të ndodhë në 24 orët e ardhshme me ambasadorët e Rumanisë dhe Bullgarisë pasi raundi i parë i hetimeve ndaj autorëve në vend përfundoi pa sukses. Skenari i ri në shqyrtim është që banda e grabitësve të jetë e huaj që ka jetuar në Greqi për vite me rradhë. /tesheshi.com/
