Craig Stephen Hicks-it, njeriut të akuzuar për vrasjen e tre të rinjve muslimanë në SHBA, do i duhet të përballet me një dënim me vdekje, pasi prokurorët i thanë gjykatësit në një seancë përgatitore se ata kishin prova të forta që e bënin me faj të pandehurin.
Hicks-i, i cili qëndroi me pranga në duar gjatë gjithë seancës, nuk tregoi asnjë emocion të dukshëm ndërsa gjykatësi shpalli vendimin që e kualifikonte atë për dënim me vdekje.
Amerikani 46-vjeçar akuzohet për vrasjen më 10 shkurt të Deah Shaddy Barakat-it, të gruas së tij, 21-vjeçares Yusor Mohammad Abu-Salha, e të motrës së saj, Razan Mohammad Abu-Salha.
Policia thotë se duket që ai është nxitur për vrasjet nga një debat i gjatë mbi hapësirat e parkimit, por të afërmit e viktimave këmbëngulin se ata u vranë ngaqë ishin muslimanë. /tesheshi.com/
