Një atlet rekreativ italian mund të paguajë shtrenjtë për shkeljen e masave epidemiologjike, kjo pasi ai raportoi një aksident fatal te shoku i tij i vrapimit në Alpet Italiane, shkruan BBC.
Vrapuesi Simone Massetti, 34 vjeç, rrëshqiti dhe ra nga një shkëmb i lartë 200 metra në malin Palino ndërsa vraponte. Trupi i tij duhej të tërhiqej nga ekipet e shpëtimit duke përdorur një helikopter.
Autoritetet lokale tani kanë ndëshkuar një mik të vrapuesit të vrarë sepse ai u gjet se ishte jashtë vendbanimit të tyre, duke shkelur kështu masat epidemiologjike.
Konkretisht, rajoni verior i Lombardisë është shpallur një zonë e kuqe COVID, që do të thotë që banorët e saj nuk duhet të lëvizin shumë larg shtëpisë së tyre. Të dy vrapuesit vijnë nga Sondri, një provincë në veri, dhe mali Palino është 10 kilometra nga aty.
Banorët e zonës së kuqe lejohen të shkojnë për rekreacion, shëtitje ose çiklizëm, por ata nuk lejohen të lëvizin shumë larg shtëpisë së tyre ose të largohen nga komuna. Karabinierët përcaktuan që vrapuesit shkonin shumë larg, shkruajnë mediat lokale.
Në një nga mesazhet e fundit në Facebook, i ndjeri Simone Massetti pyeti miqtë nëse dikush që jeton në Sondri lejohet të marrë frymë në ajrin e pastër të Valmalenca-s, një zonë malore në veri të qytetit. Ai shtoi me sarkazëm më poshtë: “Kërkoj një mik”.
Varrimi i tij u mbajt të martën dhe miqtë nga bota e sporteve shprehën mesazhe ngushëllimi në Facebook.
“Vrapo, Simo, vrapo i lirë, siç bëri shpirti yt”, shkroi në Facebook patinatorja olimpike Arianna Fontana.
Pasi vrapuesi rrëshqiti dhe ra, shoku i tij, identiteti i të cilit nuk u zbulua, thirri menjëherë shërbimin e shpëtimit alpin i cili dërgoi një helikopter në zonën e vendosur në një lartësi prej 2.400 metrash.
Sipas Corriere della Sera, 32-vjeçari do të paguajë 400 euro për shkeljen e rregullave COVID, por sipas raporteve të medias lokale, ai do të paguajë dhe një gjobë prej më shumë se 500 euro për udhëtimet jashtë me mikun tashmë të vdekur.
Miku i vrapuesit të vdekur i tha portalit lokal La Provincia DI Sondrio se ndëshkimi i tij është shqetësimi i fundit në botë pas tragjedisë që ndodhi fundjavën e kaluar. /tesheshi.com/
