Forcat e sigurisë izraelite, kanë bërë të ditur se kanë vrarë tre palestinezë, të cilët mbrëmjen e djeshme vrarë një oficere policie në Izrael.
Mësohet se dy sulme ishin koordinuara me të shtëna dhe therrje në Jerusalem. Përgjegjësinë për dy sulmet simultane e ka marrë grupi ekstremist i Shtetit Islamik. Në faqen e vet në Internet, Amaq, ka shkruar lidhur me sulmet.
Është hera e parë që ky grup e ka marrë përgjegjësinë për sulmet në Izrael, sipas Grupit të Inteligjencës SITE, që i monitoron organizatat militante.
Shteti islamik ka tërhequr vërejtjen se ky nuk do të jetë “sulmi i fundit” kundër Izraelit.
Në sulmin e parë, dy palestinezë janë vrarë pasi kishin hapur zjarr kundër një grupi policësh izraelitë dhe ishin përpjekur t’i therrnin me thika, ka thënë policia.
Në rastin tjetër, një palestinez ka therrë me thikë për vdekje një police kufitare izraelite. Ky sulmues palestinez ishte vrarë nga pjesëtarët e policisë. Në këto sulme ka mbetur e plagosur edhe një oficer izraelit.
Dhuna ka ndodhuur gjatë kohës që myslimantë e kanë përfunduar namazin e Xhumasë së tretë të agjërimit të Ramazanit./tesheshi.com/
