Ngjarjen e pak ditëve më parë, kur gjatë tentativës për grabitje të një familjeje në Fier, policia iu përgjigj dhe me zjarr, e ku si pasojë mbeti një i vrarë e një i plagosur nga grabitësit, kreministri Rama e ka prezantuar si model shembullor përkushtimi.
“Sot shpreh jo vetëm në emër të qeverisë, por edhe të shumë njerëzve të zakonshëm, admirimin dhe mirënjohjen për 5 prej jush që e përmbushën detyrën me nder edhe pse grabitësit lëshuan mbi ta plumba. Ju ishit shpresa e fundit dhe mbrojtja e një çifti të moshuar bashkëshortësh. Po kjo patrullë rreth një muaj ndoqi me shpejtësi të lartë dhe arrestoi grabitësin e armatosur që i mori jetën një qytetari. Çdo ditë dhe çdo natë policët zhvillojnë një betejë të pabarabartë me kriminelët, pasi janë ata që vendosin vendin dhe kohën e përballjes”, tha kryeministri gjatë takimi me kuadro të Policisë së Shtetit.
Ndër të tjera ai tha se ku vit dhe ata që do pasojnë, do jenë vite të zeza për krimin e organizuar. Ndër të tjera, Rama vlerësoi dhe faktin se sot policia po guxon të hyjë dhe atje ku deri dje as që mendohej, tek grabitësit e tokave në bregdet. /tesheshi.com/
