Në Shqipëri, votimi për Lokalet është mbyllur në orarin e përcaktuar, në orën 19.00.
Kreu i KQZ-së, Ilirjan Celibashi, tha se 34.37% është përqindja e pjesëmarrjes në votim, sipas të dhënave jo të plota.
“Përqindja është 34.37%. Në rastin më të keq supozojmë që atje janë 585 qendra votimi që nuk janë identifikuar në mënyrë elektronike. Nuk kemi informacion si ka qenë pjesëmarrja. Përqindja që referova është për qendrat e votimit që kanë raportuar. Për 10% nuk e kemi informacionin siç e kemi 100% të saktë për ato qendra që ka funksionuar sistemi elektronik. Deri tani, ne do e kemi edhe numrin e saktë të votuesve por me siguri përqindja do të jetë pak a shumë kjo”, tha Celibashi.
Sa për rezultatin përfundimtar, ai tha se do dalë të hënën.
“Nuk do tolerojmë asnjë sjelle të komisionerit dhe numërimit dhe fundi i ditës së nesërme ne do kemi rezultatin e zgjedhjeve”, theksoi Celibashi. /tesheshi.com/
