Britania është jashtë BE-së. Referendumi e ka dhënë vendimin e vet: Mbretëria e Bashkuar bëhet i pari vend që e lë Bashkimin Europian. Por cilat janë shifrat e referendumit?
Në referendum kanë marrë pjesë 72.2 për qind e elektoratit. Numri i atyre që kanë patur të drejtën të votojnë ka qenë 46.501.241.
51.9 për qind e votuesve në Mbretërinë e Bashkuar janë shprehur në favor të daljes ng BE-ja, e barabartë kjo me 17.410.742 vota.
48.1 për qind e numrit të atyre që kanë votuar kanë kërkuar me votën e tyre qëndrimin në union. Një shifër e barabartë me 16.141.241. vota.
Në rang kombëtar, Anglia ka patur këtë raport: 53.4% e votuesve kanë votuar për dalje nga BE-ja, e 46.6% kanë qenë për qëndrimin në të. Në vota, ky raport është respektivisht: 15.188.406 me 13.266.996.
Në Uells, 52.5% e elektoratit ka votuar për daljen, e 47.5 për qëndrimin. Në vota kjo është shprehur në raportin 854.572 me 772.347.
Skocia, e cila ka votuar pro qëndrimit në BE, ka këto shifra: 1.018.322 vota janë hedhur në favor të largimit nga BE-ja, apo 38.0%, e 1.661.191 vota, apo 62%, kanë qenë për qëndrimin.
Po kështu në Irlandën e Veriut: 349.442 vota, apo 44.2%, ka patur krahu i largimit, përkundër 440.437 votave, apo 55.8%, të atyre që kanë dashur që Britania të qëndrojë në BE.
Harta shoqëruese e lajmit pasqyron mënyrën si është votuar. Me ngjyrë të verdhë është ajo pjesë e territorit britanik ku është votuar për qëndrimin në BE, e me ngjyrë blu është shënuar hapësira ku ka mbizotëruar vendimi për dalje prej saj. /tesheshi.com/
