Pjesëmarrja e ulët në votimet e shkuara i ka detyruar ligjvënësit bulllgarë të marrin një nismë ligjore për ta bërë të detyrueshëm votimin.
Ligji i ri i miratuar sot e bën të detyrueshëm votimin për qytetarët e vendit, përndryshe, atyre që nuk do të votojnë do t’u fshihen emrat nga regjistrat e votimeve, e do të jenë të detyruar të regjistrohen sërish nëse do të duan të marrin pjesë në zgjedhjet pasardhëse.
Sidoqoftë, duket gati i pamundur miratimi i një amendamenti të veçantë që parashikon gjoba dhe pezullim të pagesave të sigurimeve shoqërore në rast të mosvotimit, e kjo për shkak se kjo masë ligjore nuk ka gjetur mbështetje te parlamentarët.
Në kuadër të nxitjes së qytetarëve për të votuar, parlamenti bullgar i hapi rrugë në janar votimit elektronik. Kjo gjë pritet të krijojë më besim për votën te qytetarët, duke u dhënë në të njëjtën kohë mundësi atyre që gjenden jashtë të votojnë. Për ata që do të duan të abstenojnë, do të jetë e mundur të zgjedhin alternativën, “Nuk votoj për askënd”.
Në zgjedhjet e fundit të përgjithshme në Bullgari, të zhvilluar në vitin 2014, morën pjesë diku te 50 për qind e votuesve, duke shënuar pjesëmarrjen më të ulët që prej rënies së regjimit komunist çerekshekulli më parë.
Ndryshimet ligjore që e bëjnë votimin të detyrueshëm do të provohen për herë të parë në do kenë efekt në zgjedhjet presidenciale në tetor të këtij viti. /tesheshi.com/
