Orët e para të votimeve për zgjedhjet e pjesshme në Dibër janë karakterizuar nga disa incidente. I pari ka qenë ai në Maqellarë, ku një aktivist socialist ka akuzuar deputetin demokrat , Flamur Noka e shoferin e tij, se e kanë goditur dhe kërcënuar me pistoletë.
Më pas, ka qenë PD-ja ajo që ka akuzuar PS-se se në disa zona po shpërndahet miell e para në këmbim të votave, duke vënë në qendër kreun lokal të Tatimeve, Dionis Ymeraj, i cili nga ana e tij i ka hedhur poshtë këto akuza.
Sakaq, kandidati Sherefedin Shehu nuk ka mundur të votojë porsi rivali i tij Rama, pasi nuk e ka patur emrin në listë. Ai fuguron votues në Tiranë dhe nga KZAZ-ja u tha se duhet të paraqitet në gjykatë në mënyrë që t’i jepet e drejta për të votuar. /tesheshi.com/
