Oerd Bylykbashi, njeriu që dublon Bashën në replikimet politike me natyrë juridike, i ka kthyer një përgjigje mesazhit të stërzgjatur të Ramës mbi arsyet se përse votim-numërimi elektronik që kërkon me ngulm opozita, është i pamundur, teknikisht. Bylykbashi, në rolin e bashkëkryetarit të reformës zgjedhore, ka renditur disa arsye se përse sipas tij Rama nuk e do një votim të tillë.
Eliminimi i shit-blerjes së votës;
votimit familjar;
votimit në emër të emigrantëve;
falsifikimit të kartave të identitetit;
eleminimi i korruptimit të komisionereve në qendrat e votimit dhe numëruesve partiakë;
mundësia e nxjerrjen e shpejtë dhe të pakontestuar të rezultatit.
“Çdo ndryshim tjetër në Kodin Zgjedhor është fasadë pas së cilës kutërbon kufoma e demokracisë”, ka konluduar politikisht Bylykbashi. /tesheshi.com/
