Parlamenti britanik ka filluar debatin në prag të votimit të mosbesimit për qeverinë e kryeministres Theresa May. Në fillim të seancës, May iu drejtua ligjvënëvse duke iu thënë se “është një rrugë e gjatë përpara për të bashkuar publikun britanik pas referendumit mbi Brexit nga viti 2016”. Ajo i kërkoi deputetëve që të mbështesin qeverinë në mënyrë që të mund të përfundonte punën që filloi.
“Ne jetojmë përmes një moment historik të kombit tonë pas referendumit që e ndau në dy pjesë. Përpara nesh është një rrugë të gjatë, por unë nuk besoj as në zgjedhje parlamentare këtë herë e as në një qeveri të udhëhequr nga Corbyn”, ka thënë May.
Kërkesa për një votë mosbesimi u paraqit nga lideri i opozitës Jeremy Corbyn, pas mbrëmjes të së martës kur parlamenti me shumicë dërrmuese refuzoi një marrëveshje të kyeministres May arritur me Bashkimit Evropian, për mënyrën e aplikimit të Brexit.
Sipas Corbin, disfata e saj ishte “më e madhja në historinë britanike”. Ai i bëri thirrje qeverisë që “të bëjë gjënë e duhur dhe të japë dorëheqjen”.
“Duhet që vendi të kërkojë një mandat të ri”, tha Corbyn.
Por May refuzoi të japë dorëheqjen, dhe mediat britanike parashikojnë se ajo do t’i mbijetojë votimit të mosbesimit
Nëse bie qeveria, e reja duhet të formohet brenda 14 ditëve ose pas zgjedhjeve.
Nëse May mbetet në pushtet, deri të hënën ka kohë ta paraqesë planin B në parlament. /tesheshi.com/
