Vendimit të Gjykatës Supreme që dy kryeqendrat, Prishtina e Preizreni të mos shkojë në rinumërim të votave i janë gëzuar kandidatët fitues Shpend Ahmeti e Mytaher Haskuka.
Ahmeti, pas këtij vendimi, duhet të vazhdojë numërimi i votave me “kusht” dhe me “postë”.
“Falemnderit të gjithë qytetarëve për mbështetjen e dhënë në proces. Tani edhe më vigjilent në mbrojtje të votës”, ka shkruar Ahmeti në Facebook.
Kurse Haskuka ka thënë se Gjykata Supreme sot “hodhi poshtë vendimin skandaloz të PZAP-së dhe të gjyqtarit të kapur Hasan Shala”.
Ky vendim i drejtë, sipas Haskukës, merr parasysh provat që “procesi zgjedhor në Prizren dhe Prishtinë ka qenë i rregullt i dokumentuar nga vëzhgues ndërkombëtarë dhe vendorë, nuk ka pas asnjë vërejtje të shkruar nga asnjë Komisionar, të gjithë Komisionarët kanë nënshkruar të gjitha procesverbalet, dhe në asnjë kuti votimi nuk ka pas shpërputhje në vota të numëruara”.
“Me këtë vendim Gjykata Supreme na e ktheu të drejtën e votës së lirë që si qytetarë të Republikës e kemi njëherë në 4 vite. Tani kemi shpresë që gjërat mund të bëhen mirë në këtë vend. Por që gjerat të bëhen mirë duhet të kërkojmë përgjegjësi, duhet të nismi kallëzim penal për deklarata të rrejshme për vëzhguesin e PDK-së dhe zyrtarë të PDK-së për trysini dhe kërcenim. Poashtu Gjyqtari Hasan Shala duhet të jep përgjegjësi ngase ka fshehur provat duke injoruar njërën nga deklaratat ku vëzhguesi ka thënë të jetë i kërcënuar nga zyrtarë të PDK-së”, ka shkruar Haskuka në Facebook.
