Partia Demokratike paralajmëroi me largim nga grupi parlamentar deputetët që votuan pro zgjedhjes së Gramoz Ruçit si kryeparlamentar. Vendimi i grupit pak a shumë është ajo që kërkoi ish-kryeministri Sali Berisha për të dënuar aktin e shitjes së deputetëve.
Në deklaratë theksohet se gjithë kjo hije misteri që mbuloi procesin është bërë qëllimisht nga kryeministri Edi Rama në mënyrë që të largohet vëmendja e opinionit publik ndaj emërimit të Ruçit, në krye të Kuvendit.
“Grupi Parlamentar i Partisë Demokratike dënon me ashpërsi atë cfarë ndodhi dje me votën e opozitës në Kuvend. Erdhi si rezultat i manipulimit apo blerjes së votes, kjo do të shqyrtohet me prioritet absolut. Një gjë është e qartë pa asnjë ekuivok: kush shet votën nuk do të ketë vend në grupin tonë parlamentar”, thuhet në deklaratën e bërë nga PD./tesheshi.com/
