Presidenti francez Emmanuel Macron ka hapur derën e Ballkanit Perëndimor drejt Rusisë pas bllokimit të bisedimeve të pranimit me Shqipërinë dhe Maqedoninë Veriore, tha Presidentja e Komisionit Evropian, Ursula von der Leyen.
Ajo u bëri thirrje udhëheqësve të Unionit që menjëherë të fillojnë negociatat e pranimit, duke argumentuar se “Rusia dhe Kina mund të mbushin boshllëkun nëse Unioni nuk vendoset në rajon”.
Duke folur me rastin e 30-vjetorit të rënies së Murit të Berlinit, ajo tha se Evropa kishte kërkuar shumë për Maqedoninë Veriore dhe Shqipërinë dhe se këto vende kishin përmbushur gjithçka që kërkohej prej tyre.
“Tani ne kemi nevojë për të mbajtur fjalën tonë dhe të fillojnë negociatat e pranimit”, tha ajo.
Ajo shtoi se nëse BE nuk hap perspektivën për vendet e Ballkanit Perëndimor, të tjerët do ta mbushin atë boshllëk, si Kina, Rusia, Turqia ose Arabia Saudite.
Në një takim të fundit të Këshillit Evropian, Macron ishte lideri i vetëm evropian që bllokoi negociatat me Shkupin dhe Tiranën, si dhe arriti të bindë Hollandën dhe Danimarkën të kundërshtojnë fillimin e negociatave me Shqipërinë. /tesheshi.com/
