Presidentja e Komisionit Evropian Ursula von der Leyen mbërriti në Bucha, qyteti i vogël në veriperëndim të Kievit që është bërë simbol i tmerreve të luftës në Ukrainë, duke u quajtur një “Srebrenicë e re”.
Von der Leyen, i shoqëruar nga kreu i diplomacisë evropiane, Josep Borrell, kishte njoftuar se do të shkonte në Kiev në shenjë mbështetjeje për Ukrainën.
Dy liderët evropianë shkuan për të parë varret masive në Bucha ku u varrosën dhjetëra civilë të vrarë nga forcat ruse.
Në një postim në Twitter, Kryetarja e Komisionit deklaroi se në Butsa u shkatërrua njerëzimi dhe në mesazhin e saj drejtuar popullit ukrainas ajo ndër të tjera theksoi:
“Ata që janë përgjegjës për mizoritë do të dalin para drejtësisë. Lufta juaj është edhe lufta jonë. “Unë jam sot në Kiev për t’ju thënë se Evropa është në anën tuaj.”
Më herët gjatë ditës, Presidenti i Këshillit Evropian Charles Michel shkroi në Tëitter se një samit urgjent i BE-së do të mbahet më 30-31 maj.
Konkretisht thuhet:
“Siç u diskutua dhe gjatë Këshillit të fundit Evropian, një Këshill i jashtëzakonshëm Evropian do të mbahet më 30 dhe 31 maj. Mbrojtja, energjia dhe Ukraina do të mbizotërojnë axhendën”. /tesheshi.com/
