Largimi i Herbert Diess u njoftua papritur nga Volkswagen, CEO i Grupit dhe arkitekt i përpjekjeve të industrisë së automobilave për kalimin në lëvizjen elektrike. Njoftimi edhe pse befasues ndoshta nuk është një surprizë pasi CEO i VW kishte humbur besimin e Grupit pas përplasjeve të përsëritura me aksionerët dhe sindikatat e saj.
CEO i Porsche, Oliver Blume, do të pasojë Diess, me bordin e VW që shpreson se ai do të jetë më … bashkëpunues dhe i qëndrueshëm, sipas burimeve të cituara nga Bloomberg. Blume do të mbetet në krye të Porsche, për të cilën VW planifikon të nisë një ofertë fillestare publike (IPO) në fund të vitit.
Herbert Diess qëndroi në krye të Volkswagen për 4 vjet dhe, siç raporton Bloomberg, lidershipi i tij u përshkrua si i ashpër, gjë që minoi efektivitetin e tij. Gabimet në projektet kryesore, duke përfshirë vonesat në njësinë e softuerit të VW, e shtuan humorin e keq, thanë burimet e Bloomberg.
Përplasjet midis familjes së aksionerëve të kompanive të makinave, sindikatave dhe shtetit gjerman të Saksonisë së Poshtme, i cili mban një aksion të madh në kompani, minuan performancën e Diess, duke i dhënë fund karrierës së tij në grup.
“Herbert Diess e ka orientuar në mënyrë strategjike Grupin Volkswagen drejt elektrifikimit”, thanë në një deklaratë të përbashkët Wolfgang Porsche dhe Hans-Michel Piech, që përfaqësojnë familjen që zotëron shumicën e VW. “Atij duhet t’i besohet fakti që Grupi Volkswagen sot është në një pozicion të fortë për transformim të mëtejshëm”.
Diess u punësua nga Volkswagen në vitin 2015, pak para se VW të pranonte skandalin e saj të emetimeve. Ai ishte njeriu që promovoi në mënyrë agresive lëvizshmërinë elektrike, duke marrë lëvdata nga “konkurrenti” i tij në hapësirë, Elon Musk, CEO i Tesla, për të cilin gjithashtu fliste pozitivisht në çdo rast.
Bordi i VW vitin e kaluar zgjati kontratën e Dies deri në vitin 2025.
Është karakteristikë se gati dy orë para njoftimit të VW për largimin e Diess, ish-CEO i grupit kishte postuar një mesazh në LinkedIn duke i uruar punonjësve pushime verore dhe duke u shprehur se kompania është në gjendje të mirë për gjysmën e dytë të vitit.
Aksionet e VW kanë rënë 24% këtë vit, duke e çuar kapitalizimin e tregut të kompanisë nën 84 miliardë euro dhe shumë më pak se objektivi i vitit 2019 prej 200 miliardë euro.
Pasardhësi i tij Oliver Blume filloi në VW si praktikant në Audi, më pas u ngrit në gradat në Seat përpara se t’i bashkohej Porsche në 2013 si drejtues i prodhimit. Siç raportohet nga Bloomberg, atij i atribuohet fakti se ai arriti të “mbajë” Porsche në një distancë nga skandali i emetimeve të naftës që goditi VW dhe i kushtoi më shumë se 30 miliardë euro (30.7 miliardë dollarë). /tesheshi.com/
