Kryetarja e Komisionit të Shëndetësisë dhe deputetet Irma Kopliku e Mimoza Hajdarmataj vizituan personat e lënduar nga aksidenti i sotëm i autobusit në Krujë.
“Ne bashkojmë lutjet tona që të gjitha të plagosurat të shërohen sa më shpejt dhe gjithashtu përcjellim ngushëllimet më të sinqerta për familjarët dhe të afërmit e viktimave që humbën jetën në këtë aksident tragjik”, u shpreh deputetja Vokshi.
Familjarë dhe të tjerë që ishin në autobus u thanë deputeteve të PD se nuk mbanin mend çfarë kishte ndodhur pasi zjarri kishte qenë i menjëhershëm. Ishin disa qytetarë që kanë thyer xhamat e autobusit duke i ardhur në ndihmë me mjete rrethanore njerëzve të lënduar brenda në autobus.
“Unë shpresoj që gjendja është në kontroll . Personeli mjekësor është i gatshëm për ti ardhur në ndihmë pacientëve. Unë do ti kërkoja Ministrisë se nëse do të ketë një rast urgjent të ndonjë pacienteje të marrë masa për ta përcjellë në klinikë më të specializuar”, u shpreh Vokshi. /tesheshi.com/
