Revista e njohur “Vogue” ka përzgjedhur 6 vendet më të bukura turistike në rajonin e Ballkanit, mes tyre qyteti i Prizrenit dhe Himara. Këto vende revista prestigjoza i ka cilësuar si atraksionet që nuk duhet të humben për tu vizituar gjatë vitit 2017. s
Prizreni cilësohet nga “Vogue”, si qendra e kreativitetit të Kosovës, e vendosur në afërsi të Maleve të Sharrit.
“Prizreni është i pasur me arkitekturën bizantine dhe osmane. Vizitojeni gjatë muajit gusht kur qyteti mirëpret DokuFestin, festivali më i madh i filmit në Kosovë, ka muzikë, ekspozitë të fotografive dhe shfaqjen e më shumë se 200 filmave”, shkruan Vogue.
Në listë është përfshirë edhe Himara. “Në rivierën shqiptare, ju pret qyteti i përgjumur i Himarës. I shtirë buzë detit Jon, ju keni mundësi që të vizitoni plazhet e Gjipesë dhe Gramës. Ky qytet ofron peizazh të jashtëzakonshëm me të cilin nuk ngopeni kurrë. Aty mund të vizitoni parkun e Llogarasë, ku mund të ecni në këmbë dhe të shijoni natyrën”, shkruan “Vogue” për Himarën, duke këshilluar pushuesit të ndalojnë edhe në Dhërmi ose në Sarandë.
Mes vendeve më të bukura u renditën edhe Ohri, Beogradi, Transilvania e Rumanisë dhe rajoni i Hercegovinës në Bosnje e Hercegovinë./tesheshi.com/
