E vogla Lucrezia është vetëm tre vjeçe e gjysmë, por ama ishte e aftë të shpëtonte jetën e të atit, 37-vjeçarit Simone Paradiso, i cili është nga Pisa e Italisë, por që jeton në Modena.
“Ime bijë më ka shpëtuar jetën. Pa se isha i shtrirë në tokë, pa ndenja dhe pa u menduar shumë, pa qarë, pa pasur frikë, hapi derën e shtëpisë, ngjiti shkallët dhe i ra ziles së fqinjës sonë, së cilës i tha: “Babi im është vrarë dhe nuk ndihet mirë. Zbrit me mua që të ta tregoj”. Kështu, falë saj erdhi ndihma e shpejtë”, – ka rrëfyer burri për Gazzetta di Modena.
Simone ishte në shtëpi me vajzën e saj, ndërkohë që po rregullonte rrobat në dollap dhe dëgjoi një zhurmë të fortë e më pas i ra të fikët. Njëra nga kanatat e rënda të dollapit ishte shkëputur dhe i kishte rënë në kokë. Vajza e vogël lajmëroi menjëherë fqinjën dhe çdo gjë shkoi mirë. /tesheshi.com/
