Një vajzë 3-vjeçare ka marrë një përvojë tepër të mirë kur ndihmoi në ardhjen në jetë të vëllait të vogël.
Rebecca Joseloff, nëna e dy fëmijëve në Nju Jork donte të kishte vajzën e saj të vogël Hunter gjatë lindjes.
Kur erdhi momenti, vogëlushja jo vetëm që nuk ishte aspak e frikësuar, por edhe ndihmoi stafin ndërsa mbante në krahë vëllain e vogël.
Fotografitë e Hunter që qëndronte e patrembur janë bërë virale dhe një faqe e njohur në Facebook ka shpjeguar rastin duke shkruajtur:
“Prindërit e Hunter e përgatitën aq mirë për këtë eksperiencë. Ata i kanë folur rreth anatomisë me terma të veçantë. E dinte fjalën placentë dhe nuk ishte e frikësuar nga sasia e gjakut. Ajo nuk u fsheh kur nëna bërtiste prej dhimbjeve dhe nuk ishte nervoze për asnjë moment. Hunter bëri pyetje, luajti me fëmijë të tjerë, hëngri ushqimin e saj dhe i mbajti të gjithë të përfshirë me ëmbëlsinë e saj.
Ajo mbajti vëllain e vogël në krahë sapo erdhi në jetë, inkurajonte nënën kur po lindte dhe i prekte flokët me delikatesë. Kur e pyetën nëse donte të hiqte bluzen e saj për të mbajtur vëllain, e bëri pa hezitim pasi i sqaruan se ka një lidhje të fortë kur trupat preken me njëri tjetrin. Ishte aq e lumtur sa nuk donte t’ia kthente foshnjen nënës. E mbajti vëllain në krahë me një buzëqeshje të madhe në fytyrë.”
Postimi mori shumë reagime pozitive ku të gjithë flisnin për guximin e vogëlushes dhe mënyrën se si nëna i kishte mësuar gjithçka rreth foshnjeve./tesheshi.com/
