Vogëlushi që lindi me probleme të mëdha në tru habit mjekët me progresin që ka bërë

Një djalë i vogël, i cili arriti të mbijetonte edhe pse u prek nga një sëmundje, e cila pas lindjes i shkatërroi të gjitha qelizat e trurit, me përjashtim të 2% të tyre, ka habitur mjekët pasi ka arritur të mësojë që të numërojë.

Mjekët kishin frikë se më e keqja mund të ndodhte, pasi Noah Wall, 4-vjeçari nga Cumbria, u diagnostikua që në mitër me hydrocephalus, një sëmundje që bën trurin të ngjitet me kafkën dhe i shkatërron të gjitha indet.

Prindërit e tij, 44-vjeçarja Shelly dhe 50-vjeçari Rob, u paralajmëruan se fëmija nuk do të jetonte, ndaj u pregatitën për më të keqen që mund të ndodhte, por ja që Noah, i cili erdhi në jetë në vitin 2012, jo vetëm që mbijetoi, por truri i tij vijoi të rritej e të zhvillohej.

Tani, djali i vogël ka mësuar të numërojë deri në 10 dhe mund të mbajë stilolapsin e të shkruajë emrin e tij. Noah, i cili qëndron në një karrocë me rrota dhe ka mjaft probleme shëndetësore, ka treguar se ka bërë progres të madh gjatë muajve të fundit. 9 muaj më parë ai nuk arrinte dot të dallonte as numrat, ndërsa tani, falë këmbënguljes së prindërve dhe vendosmërisë së tij, djali ka treguar aftësi tej atyre që mendonin mjekët.

“Ai ka nisur të shkruajë dhe të thotë shumë fjalë. Arrin të ndjekë edhe gishtin tim teksa shkruaj emrin e tij. Përqendrimi që ka nisur të ketë me stilolapsin është i pabesueshëm. Nuk e mendoja se do të vinte ndonjëherë kjo ditë. Ai na habit çdo ditë”, – tregon nëna e të voglit./tesheshi.com/