Gjykata e Tiranës vendosi masën e arrestit me burg për shtetasit Zenel Dame dhe Eduart Ngota, të arrestuar për vjedhjen e një kasaforte me bizhuteri me vlerë të konsiderueshme nga një hotel në rrugën e Dibrës.
Dy të arrestuarit dolën para gjykatës, ndërsa prokuroria kërkoi masën e sigurisë burg pa afat për ta.
E njëjta masë në mungesë u vendos edhe për Rajmonda Bruçin, motrën e Eduart Ngotës. Kjo e fundit punonte si pastruese në hotel dhe akuzohet se ka informuar të vëllain dhe shokun e tij, për vendndodhjen e kasafortës me ora të shtrenjta dhe 9500 euro.
Policia zbardhi krimin Brenda 24-orësh falë edhe kamerave të sigurisë së hotelit. Gjithashtu në banesën e njërit prej të arrestuarve u gjetën disa prej sendeve të vjedhura. /tesheshi.com/
