Partia në pushtet në Maqedoni, por e mbetur tashmë pa të pasi nuk formon dot qeveri, VMRO-DPMNE në një deklaratë të fundit thekson se e ka komunikuar qartë pozicionin e saj që para se të hyjë në bisedime për formimin e koalicionit të ardhshëm qeveritar, dhe se ajo ka qenë “Qeveri po, por jo me çdo kusht”.
“VMRO-DPMNE ka refuzuar që të bisedojë nën shantazhim për pranim të Platformës së hartuar dhe nënshkruar në Tiranë, qëllimi kryesor i së cilës është ridefinimi i Republikës së Maqedonisë dhe transformimi i saj nga një shtet multietnik në bionacional”, theksojnë nga partia e Gruevskit.
Ata mbeten në qëndrimin se zgjidhja për situatën është ose zgjedhje të reja ose Zaevi dhe LSDM-ja të heqin dorë nga Platforma Shqiptare. VMRO-DPMNE sërish e fton LSDM-në që ta mbështesë në parlament një qeveri të saj, mjaft që mos u bindet kushteve shqiptare. /tesheshi.com/
