VMRO-ja ka hedhur poshtë pretendimet në formë akuzash të ish-ministrit të jashtëm serb, Vuk Jeremiç, sipas së cilit, dyshja e djeshme në pushtet, Gruevksi – Mijallkov kanë biznese në Serbi me anë të të cilave po pastrojnë para.
“As kryetari Nikolla Gruevski, as edhe Sasho Mijallkov nuk kanë asnjë lidhje me privatizimin e fabrikave në Serbi. As Gruevski, as Mijallkov nuk kanë tërhequr para nga Maqedonia për të blerë kompani në Serbi, ashtu siç raportojnë mediumet nën kontrollin e LSD-së. Zoran Zaev dhe LSD kanë nevojë për të defokusuar opinionin me çdo manipulim për të fshehur turpin që qytetarët çdo ditë e fshehin”, thuhet në deklaratën e të quajturës parti e Gruevskit, VMRO.
Dhe nga ana tjetër, kjo parti vijon të dalë kundër lirimit nga burgu të katër shqiptarëve që akuzoheshin për vrasjen e 5 maqedonasve në liqenin e Smillkovcit, ose ndryshe rastin “Monstra”.
“Të dënuarit për likuidimin e djemve në Liqenin e Smillkovcit lëshohen që të mbrohen në liri për veprën penale për terrorizëm, ndërsa burgosen patriot…”, thuhet më tej nga VMRO. /tesheshi.com/
