Pas një debat- dramë njëmujor nga ana e deputetëve të VMRO-DPMNE-së, të cilët me replika dhe kundër-replika e pamundësonin shkarkimin e kryeprokurorit publik të Maqedonisë, sot morri fund gjithçka: Marko Zvërlevski u largua nga pozita e tij me 64 vota të deputetëve në Kuvend.
E gjitha nisi që dje kur VMRO dha shenjën e parë të tërhoqjes.
Deputeti i kësaj partiem Ilija Dimovski i dorëzoi mendimin e Komisionit Antikorrupsion kreut të Kuvendit Talat Xhaferi dhe theksoi se VMRO-ja nuk do të bëhet pjesë e shkarkimeve të paligjshme, duke bërë që deputetët e kësaj partie të braktisin seancën.
Dhe me këtë akt i erdhi fundi debatit për shkarkimin e Zvërlevskit.
Kujtojmë se Zvërlevski ishte personi më i afërt i ish-kryeministrit Nikolla Gruevski, me ç‘rast dyshohet si i involvuar në disa vepra kriminale të pushtetit.
Tani pritet emërimi i një kryeprokurori të ri nga ana e qeverisë. /tesheshi.com/
