Një goditje e radhës për kryetarin e partisë maqedonase në pushtet, VMRO-së së Nikolla Gruevskit. Para pak çastesh, për arsye shëndetësore ka dhënë dorëheqje nga posti i ministrit të financave dhe zëvendëskryeministër të qeverisë, Zoran Stavrevski.
Në opinion e më gjerë ai njihet si “truri” i partisë, e që mungesa e tij rrezikon të jetë një problem i madh për Gruevskin.
“Problemet shëndetësore me të cilat ballafaqohem dhe këshillat e mjekëve më sugjerojnë që ekziston nevoja nga një mjekim për një kohë më të gjatë, dhe për këtë arsye nuk jam në mundësi që të kryej funksionin e ministrit për financa dhe nënkryetarit të qeverisë”, ka thënë Stavrevski në dorëheqjen.
Po ashtu nga VMRO kanë informuar se në vend të tij do të emërohet Kiril Minovski./tesheshi.com/
