VMRO nëpërmjet deputetit Dragan Tanev ka përsëritur qëndrimin e tyre se Talat Xhaferi në mënyrë jolegale është zgjedhur kryetar i kuvendit dhe se poashtu në mënyrë jolegale është ulur në zyrën që i përket këtij posti.
“VMRO-DPMNE do t’i përdorë të gjitha mjetet demokratike në përputhshmëri me Kushtetutën dhe ligjet dhe do të vazhdojë të mbrojë interesat më të larta shtetërore dhe nacionale”, ka thënë Danev.
Ai po ashtu ka thënë se është e palejueshme që të arrestohen njerëz të pafajshëm, duke aluduar në arrestimet e fundit të policisë ndaj protestuesve të dhunshëm më 27 prill në kuvend.
Kujtojmë se Talat Xhaferi gjatë ditës së sotshme për herë të parë është ulur në zyrën e kryetarit të kuvendit dhe ka mirëpritur në takim zyrtar ambasadorin e BE-së, Samuel Zhbogar.
Nga ana tjetër policia ka njoftuar se deri tani ka arrestuar 12 persona të dyshuar për sulmet ndaj deputetëve. /tesheshi.com/
