Menjëherë pasi që LSDM i dorëzoi garancën me shkrim BDI-së se do të pranon realizimin e Platformës Shqiptare, si kusht për marrjen e nënshkrimeve të nevojshme, 61 sosh, të deputetëve shqiptarë që ta marrë mandatin për formimin e qeverisë, ka pasuar reagimi i ashpër i VMRO-së.
Nga kjo parti kanë kërcënuar se nuk do të lejojnë LSDM-në që të bëjë realitet kërkesat e platformë së shqiptarëve, duke e ftuar Zaevin që të pranojë zgjedhje të reja parlamentare, e jo të shesë interesat e popullit maqedonas vetëm për ta fituar pushtetin, siç thuhet në reagim.
“Në vend të kësaj Zaevi vendosi të ikë, të fshihet dhe të ofrojë garanca dhe lëshime me çmim të interesave nacionale, vetëm që të vijë në pushtet dhe ta evitojë vullnetin e qytetarëve pa zgjedhje. Nëse Zaev mundohet të shtyjë platforma dhe agjenda në kundërshtim me vullnetin e shumicës së qytetarëve, VMRO-DPMNE do të bëjë mos që t’i mbrojë interesat nacionale”, kanë thënë nga partia e Gruevksit.
Ndërkohë, pritet me minuta se si do reagojë BDI pas “nënshtrimit” të LSDM-së; a do vendosë ajo që t’i japë 61 firma Zaevit, që më pas ky i fundit të marrë nga Presidenti Ivanov mandatin për formimin e qeverisë së re. /tesheshi.com/
